تتعرض الممثلة الشابة رحمة أحمد ، حالياً ، لحالة نفسية سيئة إثر الحادث الذي تعرضت له في شهر يوليو الماضي ، وتستعد لدخول غرفة العمليات نهاية الأسبوع الحالي.

رحمة أحمد تدخل غرفة العمليات خلال أيام

رحمة أحمد كتبت منشوراً ، عبر حسابها الشخصي على موقع “فيسبوك” ، كرسالة لأصدقاءها ومتابعيها ، قالت فيه: “الحادثة كسرتني نفسيا وعضويا ، وكل لما احط أمل اني أخف من غير عملية ، وأحاول أصبر علي الالام ، واروح للدكتور يقولي حالتك بتسوء اكتر ،انا مش عارفة هو ابتلاء ولا ذنب ربنا بيخلصه ، ولا بيكشفلي كل اللي حواليا ، ومين جدع عشان جدع ومين جدع علشان الناس تقول عليه جدع ، بس كل اللي بتمناه دلوقتي أن محدش يكون زعلان مني في أي حااااجة ، واللي زعلتهم من غير قصد انا اسفلكوا ، مفيش أضعف من كده موقف علشان اصالحكم بيه”.

كما طلبت رحمة أحمد من أصدقاءها الدعاء لها ، مضيفة ” لأول مرة اعرف معني الخوف ، وأول مرة أحس بضعف ، وإني لوحدي واللي واقفين جنبي من قلبهم انا اللي المفروض اكون ضهرهم وسندهم ، وسندهم المفروض ميتكسرش ، اسفة كمان اني مش برد علي تليفونات ولا مسجات ، و اختي كل لما تلاقي وقت تعرف تطمن الناس عليا بتعمل كده ، لانها تقريبا بتعملي كل حاجة ، وانا أوقات معينة اللي في اليوم اللي بكون فايقة فيها من الأدوية ، دعواتكم العملية آخر الاسبوع ده ويا اطلع سليمة يامطلعش”.

كانت الفنانة الشابة رحمة أحمد قد شاركت في رمضان الماضي في أحد برامج المقالب ، وتدرس في معهد الفنون المسرحية ، وتعرضت في شهر يوليو لحادث سير أدى لإصابتها بكسر في العمود الفقري ، وكُتب على صفحتها وقتها “يا جماااااااعة انا آسفة مش عارفة ارد اكيد على كل الناس اطمنها ، رحمة دلوقتي لسة في المستشفي لأن حالتها مش مستقرة ، وممنوع عنها الزيارات ، لانها تعبت امبارح اكتر لما كان بيجلها ناس ، ومن كتر الألم الدكتور ادلها مسكنات قوية ، ويادوب بتتكلم بعنيها لانها اصلا مبتحركش رقبتها ، لأن حصلها كسر في الفقرتين الرابعة والخامسة ، فمجرد الكلام بياذيها غير أن لو ملتزمتش لمدة شهرين بثبات رقبتها الموضوع هيطور ويوصل للحبل الشوكي ، ولاقدر الله لو ده حصل هيحصلها شلل رباعي ، هي مش محتاجة اكتر من دعواتكم ليها”.

اسرة مباشر نيوز تطلب من محبي النجمة الشابة الدعاء لها ، وان تتخطي هذه المرحلة الحرجة ، وندعوا الله ان يشفيها.

    أضف تعليقاً

    لن يتم نشر عنوان بريدك الإلكتروني. الحقول الإلزامية مشار إليها بـ *

    الرجاء ادخال الرمز التالي *